रौतहट । राष्ट्रिय दलित मुक्ति जागरण अभियानको रौतहट जिल्ला कमिटीको ब‌ैठक सम्पन्न भएको छ । रौतहटको गरुडा नगरपालिका ४, मा आयोजित कार्यक्रमको जिल्ला संयोजक सोनेलाल रामले अध्यक्षता गरेका थिए भने कार्यक्रममा जिल्ला र स्थानीय तहका सम्पूर्ण दलित अगुवा नेतृत्वहरुको उपस्थिति रहेका थिए ।

मंगलबार आयोजित कार्यक्रममा परोहा नगरपालिका ७, मा दलितमाथि भएको कुटपिट तथा अभ्रद व्यवहारको बारेमा समेत छलफल भएको थियो । बैठकले घटनामा संलग्न दोषीलाई अविलम्ब पक्राउ गरी कार्वाहीको लागि पहल गर्ने तथा पीडित परिवारलाई न्यायको प्रत्याभूति गराउने प्रतिबद्धता गरेका छन् ।

यस्तै बैठकले आउँदो स्थानीय तहको निर्वाचनमा रौतहटक‍ १८ स्थानीय तहमा दलित समुदायबाट उमेदवारी दिने र कमजोर अवस्थामा रहेको तहमा मजबुत राजनीतिक दलसँग सहकार्यगरी स्थानीय तहमा देखिएका दलित मुद्दालाई सम्बोधन गर्नेलाई मतदानमा सहयोग गरी चुनावको सहि दुरुपयोग गर्ने विषयमा समेत छलफल भएको जागरणका जिल्ला संयोजक सोनेलाल रामले जानकारी दिनुभएको छ ।