कल्याणपुर सप्तरी । नवगठित सरकारमा दलित समुदायलाई मन्त्री मण्डलमा सहभागीता नगराएको भन्दै राष्ट्रिय दलित मुक्ति जागरण अभियानले विरोध गरेका छन् ।
सप्तरीको कल्याणपुरमा आयोजित विरोध सभामा अभियानका जिल्ला संयोजक प्रथमलाल रामले सम्बोधनको क्रममा भने, महामारीको समय छ । देशको राजनीतिक माहोल फेरिएको छ । यो दुखद घडीमा राजनीतिक दलको कार्य निन्दनीय छ । पटकपटकको संसद विघटन र सरकार निर्माणले देश अन्यौलमा फसेको छ । महामारी र राजनीतिक संकटको नाममा दलित समुदायमाथि राज्य र राजनीतिक दल मिलेर दमन, विभेद र शोषण गरिरहेको रामले भने ।
त्यस्तै सम्बोधनको क्रममा बद्री सदाले दलितमाथि महामारीसँगै जन्मेको राजनीतिक महामारीलाई दलित समुदायको जीवन पुरै धरापमा पारेको आरोप लगाएका छन् । त्यस्तै अर्का वक्तव्य चन्द्रनारायण रामलाल, महामारीमा भोकभोकै मर्न लागेको दलितलाई दोस्रो चरणको लकडाउनमा पनि दलित अत्याचार न रोकिएको भन्दै रोस व्यक्त गरे । कार्यक्रम अभियानका जिल्ला संयोजक तथा संयुक्त दलित संघर्ष समितिका जिल्ला अध्यक्ष समेत रहेका प्रथमलाल रामले अध्यक्षता गरेका थिए । वर्तमान नवगठित संघ र प्रदेश सरकारमा एकजना पनि दलित समुदायलाई मुख्य मन्त्रालय दिएको छैन् ।
