कोशीको बाढीमा छ जीवन । चारैतिर कोशी बग्छ । कोशीको बीचमा छ एउटा सिंगो गाविस अर्थात् अहिलेको एउटा सिंगो वाडा गोबरगाढा गाउँ । हिउँदमा कोशीको हावाहुरी र बालुवाले हैरान पार्छ । वर्खामा बाढीले । चारैतिरबाट बाढी पसेछि रुखमाथि बाँसको झुपडी बनाएर रात काट्छन् यहाँका मानिस । खान, बस्न र सुत्न कति दुःख होला आफै अनुमान गर्नुस् । यहाँका जनताले सरकारलाई वर्षौंदेखि अन्यत्र ठाउँमा जग्गा दिएर बस्ती सार्न भनेपनि कुनै वास्ता छैन् ।
